Nao hlăm adŭ anei, phung hriăm mâo phung thơ̆ng kơ bruă mơ̆ng Knơ̆ng ksiêm hriăm hdră Mđĭ kyar bruă mđung asăp mđung rup Asi – Pacifik ktrâo lač klei yuôm bhăn mơ̆ng hdră tui duah klei hâo hưn mrâo, klei mă rup, mkra kdrêč video lehanăn hdră čih mkra.

Boh nik, hdră ba yua dŭm kdrăp mrâo, kdrăp mrô ênuk ară anei čiăng dưi hâo hưn pral, pral hưn mthâo dŭm klei mrâo hŏng lu hdră, čiăng dưi mâo lu mnuih mđing hmư̆, mđing dlăng hdră klei mrâo. Mbĭt hŏng klei hriăm ti adŭ, mnuih nao hriăm dưi nao hriăm mjuăt ti dŭm wăl anôk nah êngao, đru kơ mnuih hriăm ba yua hlăm klei dôk mâo. Anei jing hdră dôk hlăm bruă mđĭ klei thâo kơ bruă klei mrâo, kñăm mkăp kơ klei čiăng ƀrư̆ hruê ƀrư̆ đĭ mơ̆ng mnuih ƀuôn sang kơ hnơ̆ng tŭ jăk hdră hâo hưn mơ̆ng Sang mđung asăp blŭ Việt Nam./.