Jing klei mgei lăn prŏng hĭn ti ala čar Turki yap mơ̆ng thŭn 1939, ngă kơ dŭm pluh êbâo čô mnuih djiê, dŭm êtuh êbâo čô mnuih êka, dŭm pluh êbâo boh sang klưh rai lehanăn ala čar Turki mâo leh asăp mtrŭn dôk hlăm klei răng mjêč mjêč ti 10 boh čar lehanăn mâo klei iêo mthưr kơ lu ala čar dlông rŏng lăn đru dŏng.

Việt Nam mâo tiŏ nao leh 100 čô mnuih, hlăm anăn mâo 76 čô lĭng kahan, lehanăn 24 čô kahan ksiêm nao hlăm klei đru dŏng anăn. Blŭ hrăm ti anôk ngă klei bi mni anei, Khua knuk kna Phạm Minh Chính bi mni kơ phŭn bruă lĭng kahan, phŭn bruă kahan ksiêm mâo leh klei kčĕ kơ knŭk kna hlăm bruă bi mguôp hŏng ala tač êngao, hrăm mbĭt hŏng dŭm phŭn dhar bruă alŭ wăl lehanăn dŭm anôk bruă đru dŏng hgŭm hlăm bruă đru dŏng kơ Turki, bi leh jăk bruă pô đru mđĭ leh kơhưm Việt Nam hŏng ala tač êngao./.