Ƀri wưng nao hlăm klei kƀĭn trông gưl dlông ASEAN – Êpul gơ̆ng bi mguôp krĭng kplang (GCC) leh anăn nao čuă ala mtao Saudi Arabia mơ̆ng hruê 18 – 20/10, hluê si klei iêo jak mơ̆ng mtao Saudi Arabia Salman bin Abdulaziz Al Saud. Mmăt mbruê 18/10, hluê mmông alŭ wăl, Khua knŭk kna Phạm Minh Chính drông čhưn leh khua kiă kriê êpul grŭp Ajlan & Bros. Hlăm mmông drông čhưn, Ali AL-Khatib, k’iăng khua kiă kriê êpul grŭp Ajlan & Bros brei thâo, hlăm wưng kơ anăp knơ̆ng bruă hmăng hmưi pŏk mlar klei bi mguôp duh bi lie ti Việt Nam leh anăn mñă kơ knŭk kna Việt Nam leh anăn dŭm phŭn, dhar bruă mkŏ mjing klei găl hĭn kơ knơ̆ng bruă pŏk mlar klei duh bi liê ti Việt Nam.

Khua knŭk kna mñă klă, knŭk kna Việt Nam ƀuăn srăng hrăm mbĭt, mkŏ mjing klei găl kơ êpul grŭp Ajlan & Bros hlăm bruă duh bi liê mnia mblei leh anăn pŏk mlar klei bi mguôp hŏng dŭm knơ̆ng bruă ti Việt Nam leh anăn Khua knŭk kna hmăng mhưi dưi tŭ drông khua kiă kriê êpul grŭp Ajlan & Bros ti Việt Nam čiăng ngă dŭm klei mĭn tĭng duh bi liê mnia mblei mơ̆ng knơ̆ng bruă ti Việt Nam.