VOV Tây Nguyên
VOV4.Êđê - Tlam mbruê (3/10), tŭ klei dưi mơ̆ng Bruă êdam êra Cộng sản Hồ Chí Minh, Bruă êdam êra čar Gia Lai mđup breo Anăn knăl “Phung hđeh jhŏng kơ adei Rơ Châm Ư (hđeh sang hră adŭ 5G, Sang hră gưl sa Nghĩa Hưng, kdriêk Čư̆ Pah) kyua mâo leh bruă ngă jhŏng đru 3 čô hđeh điêt mngăt hlăm êa.
Êlâo anăn, yang hruê 9/9, adei Rơ Châm Ư hŏng adei êkei ñu Rơ Châm Chuân (kkiêng thŭn 2015) leh anăn 3 čô găp jing Chúc (kkiêng thŭn 2013), Vâng (kkiêng thŭn 2012) leh anăn H’Lia (kkiêng thŭn 2015) bi jak nao hlăp ti wăl ênao êa ti ƀuôn Bui, să Nghiã Hưng. Kyua adiê mđiă hlơr anăn 3 čô adei Rơ châm Chuân, Chúc leh anăn H'Lia trŭn mnei hlăm ênao êa. Hlăk êjai mnei snăn jih 3 čô mngăt hlăm êa. Ƀuh anăn Rơ Châm Ư kdâo ktŭng jih 3 čô adei Chúc, H’Lia, Rơ Châm Chuân đĭ ti hang.
Jih 3 čô anei dưi dŏng đru hlăm klei suaih pral amâo jăk ôh, ƀiădah mơ̆ng bruă mdrao mgŭn, adei H’Lia leh anăn Ư ƀrư̆ dưi hlao. Bi adei Rơ Châm Chuân djiê kyua mngăt hlăm êa. Leh thâo kơ klei jhŏng mơ̆ng Rơ Châm Ư, Bruă êdam êra gưl dlông Cộng sản Hồ Chí Minh mđup brei Anăn knăl “Phung hđeh jhŏng” kơ adei.
Viết bình luận