Ti alŭ wăl mâo klei truh ngă leh kơ 3 čô mnuih mă bruă djiê, lehanăn dua čô mnuih mă bruă dôk ka thâo ƀuh. Dôk ngă klei tui duah. Hlăm tlam hrue 31/12 êpul đru dŏng lehanăn phung ñŭ êa mơ̆ng kahan ksiêm čar Kon Tum mrâo ƀuh sa asei atâo mơ̆ng dua čô luič hlăm gŭ tur êa êlam mơ̆ng phŭn pui. Khădah dôk rŭng răng ka thâo ƀuh mnuih, ƀiădah lŏ mdei hĕ kyua adiê mmăt, lehanăn adiê êăt ktang.

Lê Như Nhất, Khua knơ̆ng bruă duh mkra mnia mblei čar Kon Tum brei thâo, mbĭt hŏng bruă tui duah 2 čô mnuih luič. Knơ̆ng bruă sang čư̆ êa čar gĭt gai leh djăp êpul êya djŏ tuôm mghaih msir boh klei, lehanăn bi mklă mta phŭn mâo klei truh. Bruă Đảng kdriêk Đăk Glei, klei gĭr mđĭ hĭn hdră mă bruă msĕ si yăng đar, lehanăn ăt tui duah bi ƀuh mnuih luič, bruă sang čư̆ êa, lehanăn pô duh bi liê rŭ mkra phŭn pui  Đăk Mi 1 jing knơ̆ng bruă Quang Đức Kon Tum ăt dôk čuăn êmuh, lehanăn mâo klei bi juh găp djuê mnuih djiê./.