Anei jing adŭ tal sa hŏng 52 čô Khua hlăm bruă Đảng gưl dlông hgŭm, dưi hriăm mbŏ, mđing hmư̆ 9 akŏ. Dŭm klei ksiêm dlăng jing dŭm bruă phŭn, klă klơ̆ng mjêč mơ̆ng lăn čar hlăm wưng ară anei. Boh phŭn mơ̆ng dŭm akŏ dưi mguôp hŏng dŭm bruă ksiêm dlăng hŏng boh sĭt mrâo hĭn mơ̆ng lăn čar leh anăn dlông rŏng lăn, păn kjăp ai tiê Klei bi kƀĭn phung bi ala kluôm ala tal 13 mơ̆ng Đảng leh anăn dŭm Hdră mtrŭn mơ̆ng gưl dlông, mơ̆ng Phŭn bruă kđi čar, Anôk dlăng bruă Đảng, bruă kƀĭn ala, Knŭk kna mơ̆ng akŏ wưng truh ară anei leh anăn sa akŏ lu ala čar kyua phung thơ̆ng kơ bruă mkŏ mjing mơ̆ng dŭm ala čar mkăn hưn klei thâo kơ hdră mkŏ mjing mơ̆ng Đảng leh anăn Knŭk kna.

Blŭ hrăm mjưh ruê̆ Adŭ hriăm mbŏ, Khua anôk dlăng bruă Đảng Trương Thị Mai mñă klă anei jing klei găl kơ phung khua hlăm bruă Đảng gưl dlông mbŏ thiăm klei hâo hưn bruă djŏ tuôm kơ Hdră mtrŭn klei bi kƀĭn tal 13; kah mbha klei thâo, mbŏ thiăm kơ klei hlak mblang čiăng mâo thiăm klei ktưn hưn, klei thâo bruă kđi čar čiăng lŏ dơ̆ng ngă bruă hlăm wưng kơ anăp hlue si klei mbha mơ̆ng Đảng.