Aguah mbruê (17/10), Dhar bruă kƀĭn ala brei klei blŭ mguôp hlăm hră čih mprăp kơ Klei bi kƀĭn tal 6, Bruă kƀĭn ala gưl 15. Khua čih hră Bruă kƀĭn ala, Khua adŭ bruă kƀĭn ala Bùi Văn Cường brei thâo, mĭn tĭng wưng mă bruă mơ̆ng Bruă kƀĭn ala jing 22 hruê; mphŭn pŏk hlăm hruê 23/10 leh anăn mĭn tĭng mjưh ruê̆ hlăm aguah anei 29/11.

Bruă kƀĭn ala srăng kƀĭn ti Sang bruă kƀĭn ala leh anăn ngă 2 gưl. Mjưh ruê̆ Klei bi kƀĭn tal 27, Khua bruă kƀĭn ala Vương Đình Huệ mñă klă, truh wưng anei djăp bruă mprăp kơ Klei bi kƀĭn tal 6 bi leh. Khua bruă kƀĭn ala mtă kơ dŭm anôk bruă djŏ tuôm mjêč bi leh hră mơar dŭm boh phŭn Klei bi kƀĭn čiăng mơĭt kơ phung bi ala Bruă kƀĭn ala. Mbĭt anăn, mprăp djăp ênŭm, jăk klei găl rơ̆ng, hlăm anăn mđing kơ bruă hâo hưn, mtô mblang, dŭm klei găl kơ mnơ̆ng dhơ̆ng, klei êđăp ênang čiăng ngă jăk hĭn hlăm Klei bi kƀĭn kơ anăp.