Hlăm mmông bi hriăm, phung knuă druh thơ̆ng kơ bruă, knuă druh kriê dlăng leh anăn phung nao gưl 2 mơ̆ng 5 čar krĭng Lăn Dăp Kngư dưi mâo klei hưn kơ boh sĭt klei truh yan adiê hlăm lăn čar leh anăn tar rŏng lăn, hdră ngă bruă, bi mklin klei hriăm gang mkhư̆, bi mdrơ̆ng hŏng klei truh yan adiê, răng mgang wăl hdĭp mda, klei mlih yan adiê hlăm dŭm mta hriăm, dŭm hdră mtô mjuăt bi hriăm kơ phung hđeh sang hră gưl 2.

 Đru kơ phung hđeh mđĭ klei thâo gang mkhư̆, bi mdrơ̆ng leh anăn bi hrŏ klei hmăn mơ̆ng klei truh yan adiê Nguyễn Huỳnh Quang, k’iăng khua adŭ bruă kriê dlăng klei truh yan adiê, anôk bruă kriê dlăng knơ̆ng êa leh anăn gang mkhư̆ klei truh yan adIê, Phŭn bruă lŏ hma leh anăn mđĭ kyar krĭng ƀuôn sang lač, dŭm adŭ mtô bi hriăm anei srăng đru kơ êpul êya čŏng bi mdrơ̆ng, ngă bruă hnưm ti anăp klei truh yan adiê hluê hdră “Mđĭ klei thâo êpul êya leh anăn kriê dlăng klei truh yan adiê knang kơ yang ƀuôn truh ti thŭn 2030” mơ̆ng Khua knŭk kna bi klă.