Năng mđing, Knŭk kna mkŏ mjing 26 Êpul mă bruă kyua phung hlăm knŭk kna gĭt gai mă bruă čiăng ruh mgaih klei dleh dlan kơ dŭm alŭ wăl: Hlăm 6 mlan akŏ thŭn anei, Knŭk kna leh anăn dŭm phŭn, anôk bruă Gưl dlông mjêč, jih ai tiê gĭt gai leh anăn mtrŭn 1 hdră mtrŭn, 2 klei bi mklă mơ̆ng Khua knŭk kna. 5 hră mtrŭn, 4 hră mơar ktrâo lač hŏng lu hră mơar mkăn.

Čiăng lŏ dơ̆ng mđĭ pral hnơ̆ng brei čan prăk ngă dŭm hdră kñăm ala čar, Khua knŭk kna mtă kơ dŭm Phŭn, dhar bruă alŭ wăl mjêč bi hgŭm hŏng Phŭn bruă ngăn prăk leh anăn dŭm phŭn, anôk bruă hdră bruă čiăng hưn mthâo prăk bi liê bruă knuă thŭn 2024 leh anăn 2025. Knơ̆ng bruă djuê ana mjêč gĭt gai, bi hgŭm hŏng dŭm phŭn, anôk bruă hdră bruă ktuê dlăng kluôm  Hdră kñăm ala čar mđĭ kyar bruă duh mkra- ala ƀuôn krĭng mnuih djuê ƀiă leh anăn krĭng čư̆ čhiăng wưng 1, mkŏ mjing hră mơar čiăng kčĕ boh phŭn Hdră mtrŭn bi mklă Hdră bruă hlue si hdră kčah, hră mơar mơ̆ng hdră bhiăn kơ klei duh bi liê knŭk kna./.