Mkŏ mjing Anôk bruă gĭt gai hluê ngă Hdră duh bi liê êlan treng êran pral Dưr – Dhŭng
Thứ năm, 09:03, 05/10/2023
VOV Tây Nguyên
VOV Tây Nguyên
VOV4.Êđê - Khua knŭk kna Phạm Minh Chính mrâo bi mklă mkŏ mjing Anôk bruă gĭt gai hluê ngă Hdră duh bi liê êlan treng êran pral Dưr – Dhŭng lehanăn dŭm hdră êlan treng yuôm bhăn mơ̆ng ala čar.
K’iăng khua knŭk kna Trần Hồng Hà ngă Khua êpul. K’iăng khua êpul jing Khua phŭn bruă Êlan klông dŭ mdiăng Nguyễn Văn Thắng.
Anôk bruă gĭt gai srăng đru kơ khua knŭk kna kriê dlăng, mtrŭt, bi hgŭm plah wah dŭm Phŭn, dhar bruă hlăm Knŭk kna kơ bruă msir mghaih dŭm bruă yuôm bhăn djŏ tuôm kơ bruă hluê ngă Hdră duh bi liê êlan treng êran pral Dưr – Dhŭng lehanăn dŭm hdră êlan treng yuôm bhăn mơ̆ng ala čar. Anôk bruă gĭt gai mâo Êpul đru kčĕ kơ hdră mă bruă mâo wăt phung thơ̆ng kơ bruă mơ̆ng K’iăng khua Phŭn bruă êlan klông dŭ mdiăng Nguyễn Danh Huy ngă khua êpul anei.
Viết bình luận