Tlam mbruê 16/2, ti sang bruă kƀĭn ala, k’iăng khua bruă kƀĭn ala Trần Thanh Mẫn gĭt gai klei kƀĭn hŏng dŭm mta bruă mkŏ mjing klei bi hdơr 80 thŭn hruê ruah khua kluôm bruă Kƀĭn ala Việt Nam (06/01/1946 – 06/01/2026). 

K’iăng Khua knŭk kna Trần Thanh Mẫn mtă kơ bruă mkŏ mjing srăng kdrưh kơăm, mkiêt mkriêm, mkŏ mjing ai êwa mơak mñai hlăm kluôm ala. Hŏng boh tŭ dưn klă klơ̆ng anăn, bruă mkŏ mjing klei bi hdơr čiăng dưi mkŏ mjing lu jơr, mâo mta kñăm, nao mbĭt hŏng dŭm knăm mơak prŏng hlăm thŭn, rơ̆ng kơ hnơ̆ng čuăn klă klơ̆ng, êđăp ênang, tŭ dưn. K’iăng Khua knŭk kna Trần Thanh Mẫn mtă brei kñăm mprăp jăk kơ knăm mit tinh bi hdơr 80 thŭn hruê bruă kƀĭn ala Việt Nam. Mbĭt anăn, mtrŭt mjhar klei bi lông, bi ktưn tŭ drông 80 thŭn hruê Bruă kƀĭn ala Việt Nam.