Klei bi kƀĭn ksiêm wĭt 20 hlue ngă hdră mtrŭn mrô 23 lehanăn dŭm hdră êlan mơ̆ng Đảng, lehanăn klei bi mguôp jih jang djuê ana mâo leh lu boh tŭ dưn jăk. Bruă mặt trận lehanăn dŭm êpul êya mnuih ƀuôn sang lŏ dơ̆ng mlih mrâo hdră êlan mă bruă, mtrŭt mjhar mnuih ƀuôn sang ngă klei bi ktưn khăp čiăng kơ lăn čar čng mâo klei blŭ mgang, ngă jăk bruă klam plah wah Đảng, knŭk kna lehanăn mnuih ƀuôn sang. Siămdah, klei ktang bi hgŭm mguôp jih jang djuê ana ka mâo klei hlue ngă djăp ênŭm ôh, ai tiê klei ktang mơ̆ng mnuih ƀuôn sang ka mâo dưn yua jih kơ bruă rŭ mdơ̆ng, lehanăn răng mgang lăn čar.

Êjai hŏng boh klei hlăm alŭ wăl lehanăn dlông rŏng lăn dôk dleh dưi đăo knăl, jih jang klei bi trông čhai čiăng pral mâo boh tŭ dưn hluê ngă mtrŭn hdră mtrŭn mrô hrô kơ hdră 23, kñăm lŏ dơ̆ng mđĭ hĭn klei bi mguôp jih jang djuê ana hlăm wưng mrâo ară anei. Phung bi ala bi lač, čiăng mkŏ mjing klei thâo bi mguôp brei mâo Đảng doh mngač kjăp ktang lehanăn mâo kleo thâo bi hmô êlâo./.