Aguah mbrue 24/8, ti sang bi kƀĭn ƀuôn prŏng Hải Phòng (mrô 18 Hoàng Diệu, kdriêk čar Hồng Bàng, ƀuôn prŏng Hải Phòng), Êpul khua kiă kriê bruă Đảng gưl dlông, bruă kƀĭn ala, Khua lăn čar, knŭk kna dhar bruă mặt trận gưl dlông Việt Nam lehanăn găp djuê mkŏ mjing leh knăm čang ênuh kơ Lê Văn Thành, K’iăng khua knŭk kna, hlue hŏng klei bhiăn čang ênuh gưl lăn čar. Asei atâo k’iăng khua knŭk kna Lê Văn Thành dưi tlŭm hŏng hla čhiăm gru lăn čar dlông bông ti Sang bi kƀĭn ƀuôn prŏng Hải Phòng.

Pŏk knăm čang ênuh, Êpul khua kiă kriê gưl dlông mơ̆ng Đảng nao čang lehanăn mâo klei bi juh truh hŏng găp djuê k’iăng khua knŭk kna Lê Văn Thành. Leh kơ anăn, Êpul khua kiă kriê mơ̆ng anôk bruă khua lăn čar, knŭk kna, bruă kƀĭn ala, Êpul bi ala bruă mặt trận gưl dlông Việt Nam nao čang.

Mbĭt anăn lŏ mâo phung khua kiăkriê Đảng, knŭk kna, dŭm phŭn dhar bruă gưl dlông lehanăn alŭ wăl, lehanăn mah jiăng mơ̆ng ala tač êngao nao čang msĕ mơh.

Knăn bi hdơr kơ klei hdĭp kơ k'iăng khua knŭk kna Lê Văn Thành srăng mkŏ mjing hlăk 7h00, hrue 26/8; Knăm ba dơr mâo mkŏ mjing ti msat ƀuôn sang gơ̆ pô ti să Tân Liên, kdriêk Vĩnh Bảo, ƀuôn prŏng Hải Phòng.