Djŏ tuôm hŏng hdră mtrŭn kơ bi klă knơ̆ng bruă, Phŭn bruă ngăn prăk ksiêm dlăng leh anăn ƀuh đa đa mta phŭn čiăng mkra mlih, bi mbŏ čiăng djŏ guôp hŏng klei bi hmô mkŏ mjing bruă sang čư̆ êa dua gưl. Hluê anăn, mkra mlih dŭm klei čuăn djŏ tuôm hŏng bruă klam, klei dưi mơ̆ng anôk bruă bi klă knơ̆ng bruă gưl čar, gưl kdriêk. Boh klei kriê dlăng prăk jia hŏng knơ̆ng bruă leh lui gưl kdriêk, mkŏ mjing mta hdră mtrŭn mkra mlih čiăng mbha gưl, mbha klei dưi kơ bruă sang čư̆ êa gưl să mgaih msir hră moar bi klă êpul bi mguôp, êpul hgŭm bruă leh anăn gŏ sang mnia mblei  …

K’iăng Khua knŭk kna Nguyễn Chí Dũng tŭ ư hŏng klei kčĕ Phŭn bruă ngăn prăk mjêč bi mrâo dŭm boh klei čiăng bi găl guôp hŏng boh sĭt êjai bi khuăt  bruă sang čư̆ êa dua gưl, mbha gưl, mbha klei dưi, khăt bi hrŏ hră mơar dưn yua kdrăp mrô hlăm dŭm hdră êlan, klei čuăn mrâo djŏ tuôm hŏng klei bi klă knơ̆ng bruă. K’iăng Khua knŭk kna mñă ktang, hdră mtrŭn anei čiăng dưi ba mdah êlâo kơ hruê 1/7.