VOV4.Êđê- Dôk hlăm mlan hlăk ai mă bruă mlan 3 knông lăn thŭn 2023, ti hang ksĭ să Giao Hải, kdriêk Giao Thuỷ, čar Nam Định, knông kahan răng mgang knông lăn Quất Lâm, hlăm kahan răng mgang knông lăn čar Nam Định mbĭt hŏng anôk bruă ksiêm hriăm kơ Việt Nam lehanăn klei kreh knhâo mđĭ kyar - Sang hră gưl prŏng Hà Nội, Knơ̆ng bruă sang čư̆ êa să Giao Hải lehanăn dŭm êpul êya mkăn nga klei bi mdoh hang ksĭ hŏng akŏ jing “Hrăm mbĭt bi mdoh êa ksĭ Giao Hải – Lŏ thiăm klei doh êngeh êa ksĭ”.

Mâo êbeh 400 čô knuă druh lĭng kahan, hđeh hriăm hră phung hriăm gưl prŏng bi trŭn hiu hwai djah djâo ktue hang ksĭ Giao Hải. Bruă anei kñăm đru kơ jih jang mnuih mâo klei thâo săng kơ djah ksu jing lu êdi, ba klei jhat truh hŏng wăl hdĭp mda prŏng snăk. Mơ̆ng anăn brei jih jang mnuih amâo mâo duah hwiê pliă plia ôh, hriăm thâo ba tuh hlăm huôm dưm djah, hdĭp hlăm klei thâo bi mdoh, mjing anôk hdĭp mda doh mtah, kyua klei hdĭp kơ jih jang mnuih./.