Klei bi lông anei mâo 8 êpul mơ̆ng dŭm čar kwar krah – Lăn dap kngư, mâo:  Nghệ An, Thanh Hóa, Quảng Trị, Thừa Thiên Huế, Quảng Nam, Quảng Ngãi, Kon Tum lehanăn Daklak. Nao hlăm 3 klei bi lông jing, êmuh hrăm, mghaih msir klei amâo mâo jăk, lehanăn mâo sa klei yăl dliê đŭt lač kơ bruă bi kdơ̆ng hŏng klei ngă jhat hlăm găp djuê.

Êpul mkŏ mjing mđup brei leh 1 klei pah mni mrô 1, 2 klei pah mni mrô 2, 3 klei pah mni mrô 3, lehanăn 2 klei pah mni truăn kơ dŭm êpul. Tui si klei ksiêm mơ̆ng klei ngă jhat hlăm găp djuê hŏng phung mniê lehanăn hđeh êlăk ti Việt Nam thŭn 2019, snăn kah knar grăp hrue mâo 64 čô mniê lehanăn 10 čô hđeh lĕ hlăm klei găp djuê ngă jhat. Snăn hlăm 3 čô mniê, snăn giăm mâo 1 čô mniê tuôm hŏng klei ngă jhat jing knar (32%) tuôm hŏng klei ung ngă jhat. Êpul mkŏ mjing klei bi lông anei, hmăng hmưi kơ phung amai adei mniê srăng jing phung đru bi hâo hưn kjăp hĭn kơ klei bi kdơ̆ng hlăm klei ngă jhat hlăm găp djuê, ba wĭt klei mtăp mđơr êkei mniê, amâo mâo klei ngă jhat hlăm găp djuê./.