Êdah êdi msĕ si Knơ̆ng bruă Banana Brothers Farm, kdriêk MDrak, čar Dak Lak mrâo ba čhĭ kơ ala tač êngao 100 ton mtei kơ China leh anăn Dhŭng Korea, Knơ̆ng bruă Ban Mê Green Farm siñê leh hră bi hdơr leh anăn klei kuôl kă ba čhĭ kơ ala tač êngao êbeh 100 container durian hŏng ƀĭng hgŭm. Lu anôk bruă duh mkra Dak Lak pral mlih mrâo, yua hdră mđĭ hnơ̆ng mkra mjing, hnơ̆ng jăk mnơ̆ng dhơ̆ng, ngă djŏ klei čiăng ƀrư̆ hruê ƀrư̆ lu mơ̆ng anôk ba čhĭ ala tač êngao.

Knơ̆ng bruă lŏ hma leh anăn mđĭ kyar krĭng ƀuôn sang, čar Dak Lak, brei thâo: thŭn 2025, čar lŏ dơ̆ng kƀĭn mđĭ hnơ̆ng jăk mnơ̆ng dhơ̆ng lŏ hma, ngă djŏ klei čiăng ba čhĭ kơ ala tač êngao. Sa klei bi knăl mơak mkăn hlăm klei ba čhĭ mnơ̆ng dhơ̆ng lŏ hma ti Dak Lak jing mta kphê jăk lŏ dơ̆ng mâo anôk ba čhĭ kơ ala tač êngao mđing uêñ. Êngao kơ kphê mkra mjing, kphê mkra mjing mơ̆ng čar ƀrư̆ bi mklă kơhưm tơdah mâo ti lu ala čar, krĭng lăn ala. Hlăm anăn mâo dŭm anôk dleh ba čhĭ ƀiădah mâo klei găl msĕ si: Mi, Japon, Dhŭng Korea, Ơ Rôp.