Dŭm čar Dak Nông, Lâm Đồng hưn mthâo leh boh tŭ bruă mđing hmư̆ klei mĭn mnuih ƀuôn sang kơ hdră bi mŭt čar. Hluê si Klei bi mklă mrô 759 hruê 14/4 mơ̆ng Khua knŭk kna, čar Lâm Đồng srăng bi mŭt mbĭt hŏng Dak Nông lehanăn Bình Thuận, mă anăn jing čar Lâm Đồng; anôk bruă knŭk kna phŭn ti Đà Lạt. Čar Lâm Đồng mrâo leh bi mŭt mbĭt mâo ênhă lăn 24.233 km2 – jing čar mâo ênhă lăn prŏng êdi kluôm ala čar , ênoh mnuih 3.324.400 čô.

Hruê 22/4, Knơ̆ng ksiêm dlăng bruă knuă čar Lâm Đồng hưn mthâo leh boh tŭ bruă mđing hmư̆ klei mĭn mơ̆ng mnuih ƀuôn sang kơ hdră mkŏ dăp anôk bruă knŭk kna gưl čar lehanăn gưl să. Hluê anăn, bruă knŭk kna alŭ wăl mđing hmư̆ leh klei mĭn mơ̆ng êbeh 320 êbâo čô mnuih ti alŭ wăl. Boh tŭ, mâo 97,8% mnuih ƀuôn sang sa ai hŏng bruă bi mŭt 3 čar Lâm Đồng, Bình Thuận, Dak Nông. Ênoh sa ai êbeh 97,3%.

Tui si klei hâo mdah mơ̆ng čar Daknông, mâo leh êbeh 97,2% mnuih ƀuôn sang hlăm čar tŭ ư hŏng hdră bi mŭt mbĭt hŏng čar Bình Thuận, Lâm Đồng. Êlâo anăn dŭm alŭ wăl ti Daknông ngă leh klei êmuh klei mĭn mnuih ƀuôn sang gŏng giăm 150.000 gŏ sang, čiăng bi mâo klei mĭn mơ̆ng mnuih ƀuôn sang bi êdah. Boh tŭ dưn leh êmuh klei mĭn mnuih ƀuôn sang kơ klei bi mŭt 3 boh čar mbĭt jing čar Đắk Nông - Bình Thuận - Lâm Đồng. Ênoh mnuih ƀuôn sang tŭ ư êbeh 97%. Tui si tĭng čar Đắk Nông ssrăng bi mŭt mơ̆ng 71 êpul êya gưl să, trŭn adôk 28 să.