Mkŏ mjing hlăm 5 hruê, Dhar bruă kƀĭn ala brei klei blŭ mguôp kơ lu mta phŭn yuôm bhăn, hlăm mâo bruă brei klei blŭ mguôp kơ bruă mprăp mă hră đăo knang hŏng phung păn bruă mơ̆ng Bruă kƀĭn ala ruah mdưm amâodah bi klă hlăm klei kƀĭn tal 6, Bruă kƀĭn ala gưl 15. Blŭ pŏk klei bi kƀĭn, Khua bruă kƀĭn ala Vương Đình Huệ brei thâo, ênoh bruă knuă lu, dleh, mmông ngă bruă mjêč.

Khua bruă kƀĭn ala mñă kơ phung khua êmua hlăm Dhar bruă kƀĭn ala bi lar ai tiê dŭm gưl kƀĭn êlâo čiăng brei klei blŭ mguôp kơ dŭm mta phŭn čiăng rơ̆ng kơ hnơ̆ng tŭ jăk jing jăk êdi. Hluê si bruă ksiêm dlăng kluôm bruă mprăp leh anăn dŭm mta phŭn hưn mdah hŏng Bruă kƀĭn ala, leh mđing hmư̆ dŭm klei blŭ mguôp mơ̆ng phung bi ala Bruă kƀĭn ala, dŭm êpul bi ala bruă kƀĭn ala, Dhar bruă kƀĭn ala srăng brei klei blŭ knhal tuč kơ hdră phŭn klei kƀĭn tal 6 čiăng hưn mdah hŏng bruă kƀĭn ala ksiêm dlăng, bi klă hlăm klei kƀĭn mkăp.