Mphŭn pŏk hdră kdrêč mrô 2, êlan dơ̆ng pral Gia Nghĩa - Chơn Thành
Thứ ba, 09:49, 29/04/2025 Pô mblang: Y -Ƀel Êban Pô mblang: Y -Ƀel Êban
VOV4.Êđê - Aguah mbruê 28/4, ti să Đăk Ru, kdriêk Dak R’ Lâp, čar Dak Nông, bruă sang čư̆ êa čar mkŏ mjing knăm mphŭn pŏk hdră kdrêč mrô 2 êlan dơ̆ng êran pral Gia Nghĩa – Chơn Thành, ƀri wưng bi hdơr 50 thŭn hruê sua wĭt klei êngiê kwar Dhŭng.

Hdră yua 100% ngăn prăk alŭ wăl, hŏng ênoh duh bi liê 338 êklai prăk, rŭ mjing 20 bĭt êlan leh anăn 5 kban găn, mkŏ mjing klei găl mđĭ kyar bruă duh mkra ala ƀuôn ti alŭ wăl. Khua bruă sang čư̆ êa čar Dak Nông Hồ Văn Mười mñă ktang, êlan dơ̆ng pral jing hdră kñăm, mâo boh tŭ hdră êlan kơ Dak Nông, Bình Phước leh anăn kluôm krĭng Lăn Dap Kngư – Ngŏ Dhŭng.

Êlan dơ̆ng êran pral Gia Nghĩa - Chơn Thành mâo ênoh bi liê 25.540 êklai prăk, mĭn tĭng bi leh ti thŭn 2026, bi êran thŭn 2027. Êlan dơ̆ng amâo djŏ knŏng bi hrŏ mmông găn êrô ƀiădah lŏ pŏk klei đĭ kyar, mă yua klei găl bruă duh mkra, hiu čhưn ênguê leh anăn iêo jak klei duh bi liê kơ alŭ wăl.

Pô mblang: Y -Ƀel Êban

Viết bình luận

TIN CÙNG CHUYÊN MỤC

Video

Bi mni kơ Awa Hô
Tiếng chuông ngân (Jingle Bells)
24/12/2024
Ru em
27/11/2024
Vi yông ‘nhă kơ ba
11/11/2024