Khua gĭt gai Đảng, Khua lăn čar Tô Lâm nao leh anăn blŭ hrăm gĭt gai hlăm Klei ƀi kƀĭn. Mâo 1052 čô bi ala kơ dŭm gưl mnuih ƀuôn sang, djuê ana, klei đăo, êpul lĭng kahan, mnuih Việt Nam ti ala tač êngao leh anăn phung knuă druh bruă mặt trận dŭm gưl, bi êdah klei bi hgŭm jih jang djuê ana.

Hŏng hdră kñăm lŏ dơ̆ng mđĭ lar knhuah gru, ai ktang bi hgŭm jih jang djuê ana, wưng 2024 - 2029, Klei bi kƀĭn kčah 65 hdră ngă bruă, mâo: Mđĭ ktang bruă hâo hưn mtô mblang, bi kƀĭn jih jang mnuih ƀuôn sang, mđĭ klei tŭ ư ala ƀuôn, mđĭ lar ai ktang bi hgŭm djuê ana. Mđĭ hnơ̆ng jăk, tŭ dưn bruă ksiêm dlăng leh anăn bi tăng mgăl ala ƀuôn, hgŭm mkŏ mjing Đảng, Knŭk kna. Mtrŭt mjhar mnuih ƀuôn sang bi lông ktưn, mbruă, hlue ngă tŭ dưn klei bi lông. Mđĭ lar bruă ngă phŭn ai tiê čŏng kriê dlăng mơ̆ng yang ƀuôn, mkŏ mjing wăl ƀuôn sang bi hgŭm, jăk mơak, trei mđao. Lŏ dơ̆ng mlih mrâo mkŏ mjing hdră mă bruă, boh phŭn; mđĭ klei thâo êpul knuă druh bruă mặt trận dŭm gưl.