Ti Klei bi kƀĭn tal X, Êpul khua kiă kriê Dhar bruă mặt trận čar kwar gưl dlông Việt Nam brei leh klei blŭ kơ dŭm bruă yuôm bhăn, mâo: Klei čih mkra hdră êlan kơ anôk bruă Mặt trận thŭn 2026; Klei čih mkra Hdră mkŏ mjing Klei kƀĭn phung bi ala Anôk bruă mặt trận čar kwar Việt Nam wưng ti anăp; Klei čih mkra hră hưn mdah bruă ksiêm wĭt 10 thŭn hluê ngă hdră bruă 01, hruê 5/5/2015 kơ bruă mlih mrâo hdră hâo hưn mơ̆ng Dhar bruă mặt trận čar kwar Việt Nam; Hưn mdah boh tŭ hluê ngă Hdră mtrŭn mrô 18 kơ bruă mkŏ dăp, bi mŭt anôk bruă kđi čar – ala ƀuôn, dŭm êpul mâo Đảng, Knŭk kna jao bruă klam dôk hlăm dhar bruă mặt trận Việt Nam.

Kơiăng khua Dhar bruă mặt trận čar kwar Việt Nam Nguyễn Thị Thu Hà brei thâo, čiăng mkăp djŏ hŏng bruă klam hlăm wưng mrâo, mơ̆ng ară anei truh kơ jih thŭn 2025 lehanăn hlăm thŭn 2026, anôk bruă mặt trận srăng ksiêm dlăng, lŏ mkŏ dăp anôk bruă hlăm bruă mặt trận, dŭm êpul bruă kđi čar – ala ƀuôn, dŭm êpul mâo Đảng, Knŭk kna jao bruă klam./.