Dhar bruă kƀĭn ala srăng brei klei blŭ kơ klei hlak mblang, tŭ mă, mkra mlih hră čih Hdră bhiăn bruă tuh tia mrô; hră čih Hdră bhiăn bruă mă (mkra mlih); hră čih Hdră bhiăn mkra mlih, mbŏ dŭm mta klei mơ̆ng Hdră bhiăn hưn mdah; hră čih Hdră bhiăn mkra mlih, mbŏ dŭm mta mơ̆ng Hdră bhiăn hnơ̆ng čuăn kơ hdră mnêč.

Êngao anăn, Dhar bruă kƀĭn ala ksiêm dlăng, bi mklă Hdră bhiăn kčah kơ bruă mkŏ mjing bi tuôm hŏng phung bi ala kơ bruă kƀĭn ala leh anăn phung bi ala kơ Êpul gơ̆ng bruă ƀuôn sang; Hdră mtrŭn mơ̆ng Dhar bruă kƀĭn ala kčah kơ bruă hlue ngă klei êngiê hlăm dŭm anôk bruă mơ̆ng Bruă kƀĭn ala, anôk bruă hlăm Dhar bruă kƀĭn ala, anôk bruă mơ̆ng Êpul gơ̆ng bruă ƀuôn sang dŭ, gưl. Gưl anei, Dhar bruă kƀĭn ala ăt brei klei blŭ kơ bruă mprăp kơ Klei bi kƀĭn mjêč tal 9, Bruă kƀĭn ala gưl XV.