Klei kƀĭn trông phung khua êmua mda asei tar rŏng lăn tal 9 mơ̆ng Bruă kƀĭn ala Việt Nam jing anôk bruă mkŏ mjing, mâo hnơ̆ng prŏng hĭn mơ̆ng êlâo truh kơ ară anei, hŏng 500 čô bi ala nao hgŭm, hlăm anăn mâo êbeh 300 čô bi ala mơ̆ng lăn čar tač êngao. Knăm pŏk klei kƀĭn trông mkŏ mjing aguah anei, leh kơnăn jing 2/3 klei bi trông kơ klei mlih mrô leh anăn mlih mrâo hŏng klei mbruă – čô̆ kơ bruă, kñăm ba mdah dŭm hdră êlan, mđĭng truh amâo mâo lui kơ sa čô ti tluôn hlăm wăl mrô, ăt msĕ hŏng dŭm hdră êlan mtrŭt mđĭ klei mlih mrâo hŏng klei mbruă leh anăn čô̆ kơ bruă, mkŏ mjing boh kdrŭt kơ klei đĭ kyar kluôm leh anăn kjăp.

Hŏng hdră êlan lu tĭng yuôm bhăn anei đru bi klă klei nao hgŭm hur har, mâo bruă klam leh anăn čŏng pô mơ̆ng Việt Nam hlăm IPU- êpul bruă kƀĭn ala prŏng hĭn dlông rŏng lăn, mbĭt anăn brei ƀuh klei dlăng yuôm bhăn, klei uêñ mĭn mơ̆ng Việt Nam hŏng phung êdam êra leh anăn dŭm boh klei tar rŏng lăn mơ̆ng phung mda asei ară anei.