Blŭ hrăm hlăm knăm mphŭn pŏk, K’iăng Khua knŭk kna Trần Hồng Hà bi mklă: Knăm mơak kphê Ƀuôn Ama Thuôt tal anei jing klei yuôm bhăn, mkŏ mjing hlămn gưl bi hdơr 50 thŭn mblah dưi Ƀuôn Ama Thuôt. Knăm mơak amâo djŏ knŏng jing klei mpŭ kơ asăr kphê Việt Nam ôh, ƀiădah lŏ jing klei bi kƀĭn mâo hnơ̆ng kluôm rŏng lăn, anôk dŭm ala čar mkra mjing leh anăn ba čhĭ kphê bi kƀĭn, hrăm mbĭt kah mbha hnơ̆ng trah dlăng kơ sa êdei anăo hơĭt kjăp mơ̆ng bruă kphê.

Thŭn 2024, gưl tal êlâo ba čhĭ kphê Việt Nam kơ ala tač êngao êbeh 5 êkklai USD, lŏ dơ̆ng bi mklă kơhưm jing pô mkăp kphê lu hĭn tal dua dlông rŏng lăn, knŏng êdei kơ Brazil. Hlăm anăn, Dak Lak - Anôk pla mjing kphê lu hĭn Việt Nam đru mguôp hlăm brô 18% prăk hrui wĭt kơ ala tač êngao. K’iăng Khua knŭk kna mtă: Hlăm wưng kơ anăp, dŭm anôk, phŭn, dhar bruă, alŭ wăl, Êpul hgŭm kphê - ka kao Việt Nam, anôk bruă duh mkra kah mbha hnơ̆ng trah dlăng, bi hgŭm ngă bruă kjăp čiăng mkŏ mjing krĭng pla kphê hnơ̆ng jăk; mkŏ mjing ênoh yuôm kjăp.