
Anei jing sa hlăm dŭm hdră bruă tŭ drông mkŏ mjing čar Lâm Đồng mrâo. Êlan dơ̆ng pral Bảo Lộc – Liên Khương mâo boh taih giăm 74km, mkŏ dua ƀuôn prŏng Bảo Lộc hŏng Đà Lạt, găn dŭm kdriêk Bảo Lâm, Di Linh leh anăn Đức Trọng mơ̆ng čar Lâm Đồng. Anei jing êlan dơ̆ng pral mkŏ hŏng êlan dơ̆ng pral Tân Phú – Bảo Lộc leh anăn Dầu Giây – Tân Phú, mkŏ ƀuôn prŏng Đà Lạt hŏng ƀuôn prŏng Hồ Chí Minh leh anăn dŭm čar Dhŭng, mkŏ mjing boh kdrŭt mđĭ kyar kơ čar Lâm Đồng mrâo.

Hdră mâo ênoh duh bi liê wưng tal 1 êbeh 17.700 êklai prăk, hlăm anăn mâo êbeh 7.600 êklai prăk mơ̆ng ngăn prăk knŭk kna, bi adôk jing ngăn prăk mơ̆ng phung duh bi liê. Bi mguôp phung duh bi liê knơ̆ng duh bi liê leh anăn mđĭ kyar êlan klông T&T – Êpul grŭp Phương Trang FUTA Group –Knơ̆ng bruă duh bi liê mkŏ mkra êlan klông Phương Thành djŏ ruah ngă bruă, hŏng ênoh djŏ ruah giăm 11.924 êklai prăk, mmông ngă bruă – hrui prăk 19 thŭn 10 mlan. Hluê si hdră kčah, hdră anei ngă bruă hlăm 30 mlan.
Viết bình luận