Klei kƀĭn mkŏ online hŏng dŭm čar, ƀuôn prŏng ktuê hang ksĭ. Hluê si klei hưn mơ̆ng Phŭn bruă lŏ hma leh anăn wăl hdĭp mda, Phŭn bruă mkŏ mjing leh hdră êlan ngă klei ksiêm dlăng ti 15 alŭ wăl mơ̆ng ară anei truh kơ hruê 9/3/2026, hŏng mta phŭn leh anăn hdră êlan klă klơ̆ng msĕ si EC srăng ksiêm dlăng ti dŭm alŭ wăl. Mbĭt anăn, dŭm čar, ƀuôn prŏng ktuê hang ksĭ ngă klei ksiêm dlăng bruă gang mkhư̆ klei trah mă soh hdră bhiăn IUU ti alŭ wăl, mprăp mă bruă hŏng êpul ksiêm dlăng tal 5 mơ̆ng Dhar bruă Ơrôp.

Phŭn bruă lŏ hma leh anăn wăl hdĭp mda ăt brei thâo, dŭm kdrăp phần mềm đru kơ bruă ksiêm dlăng kŭm păn trah mă kan dưi bi hrăm mbĭt, bi mlir. Bi klă hlăm klei kƀĭn, k’iăng Khua Knŭk kna Trần Hồng Hà mñă kơ dŭm Phŭn, dhar bruă, alŭ wăl ksiêm dlăng jih jang klei hưn mdah hlăk mblang dŭm mta phŭn mơ̆ng Dhar brua  Ơrôp (EC) dôk mđing. Mñă ktang adôk 2 hruê kăm Êpul ksiêm dlăng mơ̆ng Dhar bruă Ơrôp srăng ksiêm dlăng, k’iăng Khua Knŭk kna mñă brei lŏ dơ̆ng ngă hdră êlan ksiêm dlăng bruă hluê ngă bruă klam gang mkhư̆ IUU, mbĭt anăn mbha bruă klam klă klơ̆ng kơ dŭm alŭ wăl hlăm kluôm ala, nao mbĭt hŏng bruă klam mơ̆ng dŭm phŭn, dhar bruă gưl dlông.