Tlam 7/4, Êpul mă bruă mơ̆ng Phŭn bruă mdrao mgŭn mâo K’iăng Khua phŭn bruă Trần Văn Thuấn ngă khua mâo leh mmông mă bruă hŏng Knơ̆ng bruă sang čư̆ êa čar Dak Lak kơ bruă pŏk ngă hdră bruă mkŏ mjing Sang êa drao prŏng gưl dlông krĭng Lăn Dap Kngư. Alŭ wăl ktuê dlăng, mkŏ mjing hdră tla hnô, lŏ mkra mjing anôk dôk, mĭn tĭng bi liê hlăm brô 147 êklai prăk.

Phung bi ala trông kơ bruă ruah mgaih anôk ala hdră bruă, mprăp leh anăn mtô bi hriăm mnuih mă bruă thâo kơ Sang Êa Drao; K’iăng Khua phŭn bruă mdrao mgŭn Trần Văn Thuấn bi mni kơ bruă bi hgŭm mơ̆ng čar Dak Lak hŏng bruă mprăp bi liê mkŏ mjing Sang êa drao prŏng gưl dlông krĭng Lăn Dap Kngư. Hlăm wưng kơ anăp čar lŏ dơ̆ng mâo dŭm klei đru kơ Phŭn bruă mdrao mgŭn mđĭ pral hnơ̆ng hlue ngă dŭm hră mơar hdră bhiăn čiăng pŏk ngă hdră bruă, hdră ruh mgaih anôk ala…