Khua lăn čar Võ Văn Thưởng nao lehanăn mâo klei hơêč hmưi kơ phung kdlưn hĭn lehanăn 43 čô phung mda asei mâo klei čang hmăng hĭn hlăm lĭng kahan, bi ala kơ dŭm êpul čô jing phung kdlư̆n hĭn nao ti anôk mpŭ mni anei. Khua lăn čar Võ Văn Thưởng lač, mâo klei mpŭ mni anei jing dleh leh snăn čiăng dưi krơ̆ng nanao klei tŭ dưn anei jing brei lŏ bi ktưn lu hĭn, amâo mâo mdei lŏ mjuăt hriăm jing lĭng kahan mâo knhuah dôk dơ̆ng ƀơ̆ng huă kjăp, djŏ msĕ si klei awa Hô mtă.

Kñăm mđĭ hĭn klei găl prŏng mơ̆ng lĭng kahan, Khua lăn čar mtă kơ lĭng kahan mâo klei bi mguôp kjăp hŏng dŭm êpul bruă êdam êra anôk kahan pô dôk ngă jăk bruă đru čung ba mnuih ƀuôn sang, bi mguôp kjăp hŏng mnuih ƀuôn sang, dôk mbĭt hŏng mnuih ƀuôn sang, srăng săn asei mlei kyua mnuih ƀuôn sang anăn yơh jing knhuah siam mơ̆ng lĭng kahan kbiă hriê mơ̆ng mnuih ƀuôn sang, kyua mnuih ƀuôn sang bi blah./.