Ênoh prăk hrui mơ̆ng bruă đŭ bi kmhal êbeh 123 êklai prăk. Dŭm mta mnơ̆ng dhơ̆ng djŏ tuôm ngă soh mâo dŭm mta kyâo, hbâo pruê, êa drao krih kơ ana pla mjing, čhum ao, hdruôm jơ̆ng, jĕ čŭt, mnơ̆ng hlăp lêñ kơ hđeh, hăt djŭp.

Hlăm klei bi kƀĭn ksiêm wĭt bruă bi kdơ̆ng gang mkhư̆ klei mnia blei soh hŏng hdră bhiăn, mngưt mgưt mkŏ mjing tlam 6/1, Nguyễn Tuấn Hà, K’iăng Khua Knơ̆ng bruă sang čư̆ êa čar Dak Lak lač, wăt tơdah ênoh leh anăn prăk bi kmhal đĭ mkă hŏng thŭn êlâo, ƀiădah ka lač djŏ boh sĭt leh anăn klei ngă soh kơ mnơ̆ng dhơ̆ng ti alŭ wăl. Hlăm wưng kơ anăp, dŭm anôk bruă djŏ tuôm brei ktuê dlăng kjăp, mđĭ klei tŭ dưn đăo knăl, mprăp djăp ênŭm klei găl rơ̆ng hơĭt anôk ba čhĭ, boh nik hlăm gưt Tết anăp truh.