Mtrŭt bruă hgŭm duh mkra mnia mblei lehanăn duh bi liê plah wah Việt Nam lehanăn EU
Thứ tư, 09:46, 15/02/2023
VOV Tây Nguyên
VOV Tây Nguyên
VOV4.Êđê- Tlam mbrue 14/2, Khua knŭk kna Phạm Minh Chính drông leh êpul phung duh mkra EU - ASEAN lehanăn êpul hgŭm phung duh mkra EU ti Việt (EuroCham) čiăng bi trông kơ djăp bruă hgŭm mđĭ kyar klei duh mkra mnia mblei lehanăn duh bi liê plah wah Việt Nam lehanăn EU.
Leh mđing hmư̆ dŭm klei blŭ, khua knŭk kna Phạm Minh Chính lač, Việt Nam bi myuôm nanao klei bi hgŭm lehanăn mâo klei hgŭm kluôm dhuôm plah wah Việt Nam - EU lehanăn klei bi mguôp hŏng dŭm ala čar hgŭm, mđing hyuă kjăp lehanăn mtrŭn agha êlam hĭn klei bi mguôp kluôm ênŭm ASEAN – EU.
Khua knŭk kna čang hmăng phung duh mkra mơ̆ng EU lŏ dơ̆ng mđrăm mbĭt hŏng phung duh mkra Việt Nam kñăm kơ 3 mta bruă phŭn jing: Duh bi liê, mnia mblei hŏng ala tač êngao, lehanăn blei yua” đru kơ Việt Nam dưi mâo čan prăk, lehanăn blei mprăp kdrăp mă bruă ênuk mrâo pioh kơ bruă mđĭ mlih kyar kjăp hlăm klei bi mlih mrô, mđĭ kyar mtah, duh mkra krĭp sitôhmô mđĭ kyar tư̆ ƀrư̆ ƀrư̆ tơl ênŭm, mlih mrâo hŏng klei mbruă, duah djăp anôk čhĭ mnia./.
Viết bình luận