Bruă mkŏ mjing klei bi lông anei, kñăm mđĭ klei tŭ dưn bruă hâo hưn kơ jih bruă kƀĭn ala lehanăn Êpul gơ̆ng bruă ƀuôn sang mă, lehanăn mđĭ klei tŭ dưn bruă klei mrâo čih kơ bruă kƀĭn ala lehanăn Êpul Gơ̆ng bruă ƀuôn sang.

K’iăng khua bruă kƀĭn ala Trần Thanh Mẫn čang hmăng, phung ngă bruă klei mrâo lŏ dơ̆ng mđĭ hĭn bruă klam, mjuăt bi hriăm knhuah bruă kđi čar, mđĭ klei thâo ngă bruă, mâo knhuah bhiăn hlăm bruă knuă, tui tiŏ djŏ hŏng hdră êlan mơ̆ng Đảng, knŭk kna, hưn mdah bi pral, klă mngač, lehanăn mâo klei hlak mblang bi êlam kơ bruă klam, bruă čuăn jih jang bruă kƀĭn ala, Dhar bruă gĭt gai bruă kƀĭn ala, Êpul Gơ̆ng bruă djuê ana, dŭm êpul bruă mkăn hlăm anôk bruă kƀĭn ala, êpul phung bi ala bruă kƀĭn ala, pô bi ala, lehanăn Êpul Gơ̆ng bruă ƀuôn sang./.