Gưl kƀĭn ksiêm dlăng, bi klă dŭm hdră mtrŭn yuôm bhăn msĕ si: mkra mlih, mkăp brei hdră duh bi liê bruă knŭk kna, đru kơ bruă mkra mjing bruă lŏ hma dôk hlăm hdră ala čar kñăm bi hrŏ ƀun hŏng klei kjăp, lui hĕ dŭm hdră duh bi liê čiăng hrui wĭt lăn leh anăn dŭm hdră êlan duh bi liê čiăng mlih mta kñăm yua lăn pla mdiê lŏ, lăn dliê knŭk kna mkuôm jing bruă mkăn…

Hluê si Trần Đức Quận, khua bruă Đảng čar, khua gĭt gai Êpul gơ̆ng bruă ƀuôn sang čar Lâm Đồng, anei jing dŭm mta phŭn yuôm bhăn čiăng kơ alŭ wăl lŏ dơ̆ng hluê ngă tŭ dưn dŭm bruă klam, mta kñăm mâo leh. Ăt hlăm klei kƀĭn, Êpul gơ̆ng bruă ƀuôn sang čar Lâm Đồng ngă bruă ksiêm dlăng mnuih mă bruă. Hluê anăn Nguyễn Khắc Bình – khua kiă bruă Đảng kdriêk, khua kiă kriê Êpul gơ̆ng bruă ƀuôn sang kdriêk Cát Tiên dưi ruah mdưm păn ngă k’iăng khua kiă kriê Êpul gơ̆ng bruă ƀuôn sang čar Lâm Đồng gưl 10, wưng thŭn 2021 – 2026, Nguyễn Ngọc Phúc, khua bruă Đảng kdriêk Đức Trọng dưi ruah mdưm păn ngă k’iăng khua bruă sang čư êa čar Lâm Đồng.