Nguyễn Trọng Nghĩa mơĭt klei hơêč hmưi jăk siam hĭn ƀri gưl bi hdơr 68 thŭn Hruê phung nai êa drao Việt Nam kơ dŭm gưl phung aê mdrao, hŏng phung khua gĭt gai leh anăn êpul knuă druh, phung mă bruă hlăm 2 sang êa drao.

Bi kah mbha klei dleh dlan, lông dlăng leh anăn klei akâo mơ̆ng khua gĭt gai 2 Sang êa drao, Nguyễn Trọng Nghĩa lač, hlăm wưng kơ anăp bruă mdrao mgŭn srăng tlă anăp hŏng lu klei lông dlăng, kyua anăn phung aê mdrao brei gĭt ktưn, msir mgaih djăp klei dleh dlan, mđĭ lar klei thâo pô, răng kriê knhuah hdĭp, mđĭ hnơ̆ng ksiêm hriăm kreh knhâo, mtô bi hriăm knuă druh mguôp hŏng bruă hlue ngă klei ksiêm yap bruă duh mkra kriê dlăng klei hdĭp mda, mđĭ prăk hrui wĭt kơ phung knuă druh aê mdrao hlue ngă bruă kriê dlăng, răng mgang leh anăn mđĭ klei suaih pral mnuih ƀuôn sang. Čiăng mơ̆ng anăn năng jing dŭm sang êa drao phŭn mơ̆ng ala čar./.