Bi êdah klei bi kngăr anăp boh tŭ đĭ kyar mơ̆ng Denmark – sa hlăm dŭm ala čar yâo mơak lehanăn mâo hnơ̆ng hdĭp đĭ êdi tar rŏng lăn, hŏng hdră dhar kreh jăk siam, jiă knhuah gru djuê ana, mnuih Denmark khăp kơ tuê lehanăn khăp kơ lăn adiê.

Mbĭt anăn brei thâo, mŭt hlăm wưng mrâo, ênuk kpưn đĭ mơ̆ng djuê ana, Việt nam dôk hluê ngă hdră mkra mlih klei bhiăn, anôk bruă kđi čar, anôk bruă kriê dlăng knŭk kna dŭm gưl; mbĭt anăn mtrŭt mđĭ dŭm boh kdrŭt đĭ kyar mrâo; krŭ wĭt ai ktang djuê ana, čŏng pô kpưn đĭ, đăo knang, jhŏng ktang, ktưn hưn djuê ana, klei čang hmăng đĭ kyar mơ̆ng ala čar. Khua Dhar bruă hdră mtrŭn hŏng tač êngao, Anôk bruă kƀĭn ala Denmark mñă, Anôk bruă kƀĭn ala mơ̆ng ala čar anei bi myuôm hdră bi hgŭm hŏng Việt Nam lehanăn srăng mâo lu klei đru mguôp hĭn ba klei bi mjĕ dua ala čar truh ti hnơ̆ng mrâo hĭn, ƀrư̆ hruê ƀrư̆ klă sĭt lehanăn tŭ dưn hĭn./.