Hlăm mmông bi tuôm, phung nai, phung hđeh sang hră mơ̆ng sang hră gưl prŏng Đà Lạt hưn mdah leh lu mta phŭn djŏ tuôm hŏng bruă mtô bi hriăm, hdră êlan prăk mlan, prăk đru, hdră đru kơ phung nai, mghaih msir bruă mă kơ phung hđeh leh hriăm jih, hdră mơar tĭng tla dŭm hdră kreh knhâo…dôk tuôm hŏng lu klei dleh dlan, kpăk gun.

Hlăm anăn năng mjêč hĭn jing boh klei hđeh sang hră gưl prŏng, phung ksiêm duah uêñ mĭn kơ dhar bruă kreh knhâo dôk toh hroh kjham. Bi ala kơ Êpul bi ala bruă kƀĭn ala čar Lâm Đồng, Phan Đình Trạc čih yap dŭm klei hưn mdan mơ̆ng phung bi ala, mbĭt anăn brei thâo srăng hưn mdah hŏng bruă kƀĭn ala hlăm klei kƀĭn tal 6 kơ anăp. Wưng anei, Êpul bi ala bruă kƀĭn ala čar Lâm Đồng mđup brei leh 20 hnư đru hriăm hră mơar, grăp hnư mâo ênoh 10 êklăk prăk kơ hđeh sang hră gưl prŏng ti sang hră mâo klei hdĭp dleh dlan leh anăn gĭr hlăm klei hriăm hră mơar.