Ƀri bi hdơr 76 thŭn hrue kahan êka êkeh, phung êngiă asei, hlăm klei nao čuă lehanăn mă bruă ti čar Daklak, aguah hrue 24/7, Phan Đình Trạc, Khua êpul kiă kriê bruă knuă gưl dlông mbĭt hŏng êpul ngă bruă nao čuă leh msat phung êngiă asei čar, lehanăn nao čuă êmuh mđĭ ai găp djuê phung êngiă asei ti kdriêk Čư̆ Kuiñ.

Truh ti sang găp djuê phung êngiă asei, êpul ngă bruă čuh brui mngưi bi hdơr kơ phung knuă druh, kahan djiê êngiă, săn leh asei mlei jhŏng ktang kyua klei êđăp ênang kơ mnuih ƀuôn sang, čuă êmuh mđĭ ai lehanăn mâo klei bi juh hŏng găp djuê mnuih djiê êngiă anăn.

Sa ai hrăm mbĭt hlăm klei ênguôt hnĭng anăn, Phan Đình Trạc, Khua êpul kiă kriê bruă knuă mă gưl dlông lač, Đảng, Knŭk kna mâo nanao klei mđing uêñ kơ klei đru ba, dlăng kriê găp djuê mnuih djiê êngiă, mâo lu bruă bi mđĭ ai, bi đru kơ digơ̆ mdul klei dleh dlan kyua klei luič liê djiê êngiă.