Blŭ gĭt gai klei mă bruă, Phan Đình Trạc bi myuôm boh tŭ dưn klei êpul khua kiă kriê bruă Đảng čar mâo leh hlăm bruă bi mlih klei bhiăn, lehanăn bruă bi kdơ̆ng hŏng klei ƀơ̆ng ngăn. Khua anôk bruă kiă kriê bruă knuă gưl dlông mtă kơ Tây Ninh mđing kiă kriê kjăp klei bi hgŭm bruă bi kčŭt, msir kđi.

Phan Đình Trạc ăt lŏ mta kơ bruă ksiêm jih jang bruă hlăm hdơ̆ng pô, mâo klei răng, kăp bi ksiêm, kñăm bi mlih, hŏng grăp čô knuă druh, đảng viên lehanăn jih jang êpul êya dhar bruă anôk ênưih lĕ hlăm klei ƀơ̆ng ngăn, klei ngă amâo mâo djŏ./.