Phŭn bruă êlan klông dŭ mdiăng lŏ mkra wĭt dŭm kdrêč êlan jhat amâo mâo klei êđăp ênang ti êlan dơ̆ng mrô 19
Thứ năm, 10:52, 23/02/2023
VOV Tây Nguyên
VOV Tây Nguyên
VOV4.Êđê- Hrue 21/2, Adŭ bruă kiă kriê êlan klông III.4 (hlăm phŭn bruă êlan klông dŭ mdiăng) mâo leh hră mtrŭn mơĭt kơ êpul bruă kiă kriê anôk mkra êlan klông mrô 2- jing pô lŏ mkra wĭt êlan klông hlăm alŭ wăl Lăn Dap Kngư (pia jing anôk bruă mkra wĭt êlan dơ̆ng prŏng mrô 19), kčĕ bruă hŏng phung mkra êlan bi kjăp.
Boh nik, adŭ bruă kiă kriê êlan klông mrô III.4 – Alŭ wăl kiă kriê êlan klông mrô III, Mtă kơ êpul kiă kriê bruă mrô 2 (Pô gai bruă) kčĕ kơ dŭm êpul mkra êlan hlăm êlan dơ̆ng prŏng mrô 19 bi ksiêm ênŭm jih jang anôk jhat pioh lŏ mkra êlan hŏng klei kjăp.
Wưng kčah ngă bruă êlâo kơ hrue 28/02/2023 lehanăn bi mâo hră mơar hâo mdah bruă knuă pô ngă. Bruă mkra êlan hlăm alŭ wăl Lăn Dap Kngư mâo ngă mơ̆ng hlăk mlan 9/2021, hŏng boh taih truh 143km, găn hlăm dua boh čar Gia Lai (126km) lehanăn Bình Định (126km), hŏng ênoh prăk bi liê jih jang truh 3.600 êklai prăk. Wưng kčah bi leh jing ti mlan 12/2023.
Viết bình luận