Hlăm 3 mlan gưl 3, êpul kahan ksiêm ksiêm dlăng leh êbeh 10 êbâo klei ngă soh hlăm yang ƀuôn, bi rai 23 êpul ngă soh, msir mghaih giăm 20 êbâo čô ngă soh. Êpul kahan ksiêm dôk mđing mtrŭt mđĭ pral hdră tui ksiêm dŭm klei ngă soh djŏ tuôm kơ hdră duh mkra, klei ƀơ̆ng ngăn mâo Anôk gĭt gai Gưl dlông kơ hdră gang mkhư̆ klei ƀơ̆ng ngăn, bi kdơ̆ng hŏng klei amâo djŏ tui ksiêm lehanăn gĭt gai. Hlăm 3 mlan, hmao ƀuh leh 197 klei hŏng 435 čô ngă soh.

Mbĭt anăn, Phŭn bruă kahan ksiêm ăt pŏk hdră hluê ngă kjăp dŭm Áăp mtrŭn mŏng Knŭk kna hlăm bruă gang mkhư̆ klei pui ƀơ̆ng lehanăn đru dŏng mnuih mâo klei truh; Phŭn bruă gĭt gai leh dŭm anôk bruă, êpul, alŭ wăl mđĭ hdră rŏng klei êđăp ênang hlăm bruă gang mkhư̆ klei pui ƀơ̆ng lehanăn đru dŏng mnuih mâo klei truh ti dŭm boh sang dlông tal, sang jưh mâo lu mnuih dôk…