Phŭn bruă kahan ksiêm mkŏ mjing bi lông bruă lĭng kahan ti Đà Lạt, Lâm Đồng
Thứ hai, 09:57, 14/10/2024
VOV TAYNGUYEN
VOV TAYNGUYEN
VOV4.Êđê-Hruê mbruê (13/10), ti ƀuôn prŏng Đà Lạt, čar Lâm Đồng, Phŭn bruă kahan ksiêm mkŏ mjing klei bi lông mjuăt asei mlei “Kyua klei êđăp ênang čar kwar” tal 9 leh anăn Klei bi lông klei bhiăn kahan, bruă lĭng kahan hlăm êpul kahan ksiêm yang ƀuôn tal 6 - krĭng wăl 3.
Nao hlăm Klei bi lông tal anei, mâo giăm 2.500 čô mjuăt asei mlei jing phung knuă druh, lĭng kahan hlăm 20 anôk bruă kahan ksiêm ti krĭng nah Dhŭng.
Blŭ hrăm hlăm knăm mphŭn pŏk, Thiếu tướng Lê Hồng Hiệp,K’iăng Khua Anôk dlăng bruă Đảng leh anăn bruă kđi čar, Phŭn bruă kahan ksiêm, K’iăng Khua Anôk bruă gĭt gai Klei bi lông mjuăt asei mlei leh anăn Klei bi lông bi mklă, bruă mđĭ ktang hnơ̆ng jăk, klei tŭ dưn bruă mjuăt ktang asei mlei leh anăn klei bhiăn kahan, bruă lĭng kahan hlăm êpul kahan ksiêm yang ƀuôn mngač, kjăp, knhăk, mrâo mrang, ngă djŏ klei čiăng, bruă klam hlăm boh klei mrâo.
Viết bình luận