Leh 3 mlan mtrŭt mjhar, Êpul mkŏ mjing mâo tŭ mă êbeh 1 êbâo mta klei bi lông mơ̆ng 500 čô. Jih jang rup ba bi lông mâo boh phŭn kñăm jing: Mđĭ hĭn knhuah gru kdrăm k’ah, kahan ksiêm yang ƀuôn mâo klei bi hmô jăk, ba akŏ hlăm klei mkŏ mjing Đảng, mkŏ mjing êpul kahan ksiêm doh mngač, kjăp ktang, hlue ngă ênŭm 6 mta klei Awa Hô mtă dăl hlăm 75 thŭn êgao.

Mpŭ mni kơ klei săn asei mlei, lehanăn dŭm klei duh myơr mơ̆ng kahan ksiêm hlăm bruă răng mgang klei êđăp ênang lăn čar, lehanăn hlăm yang ƀuôn. Hlăm anăn mâo lu rup kač bi hmô kơ kahan ksiêm knhăk đru hlăm bruă răng mgang klei êđăp ênang, mă bruă kyua mnuih ƀuôn sang lehanăn kăn čar. Bi ruĕ klei bi lông, Êpul gơ̆ng bruă ksiêm brei puăng mâo hrŏng ruah leh 5 klei pah mni ênoh A, 10 klei pah mni ênoh B, 15 klei pah mni ênoh C, lehanăn 20 klei pah mni bi mđĭ ai./.