Tlam mbrue 9/3, ti Hà Nội, Phŭn bruă kahan ksiêm mkŏ mjing leh klei bi tuôm ƀô̆ mta bi hdơr 75 thŭn hrue knhuah gru kahan ksiêm yang ƀuôn (11/3/1948-11/3/2023).

Blŭ hrăm ti anôk bi tuôm, k’iăng khua phŭn bruă kahan ksiêm Trần Quốc Tỏ lač, 75 thŭn leh êgao, êpul kahan ksiêm yang ƀuôn sa ai siă suôr nanao hŏng Đảng, knŭk kna lehanăn mnuih ƀuôn sang, ktưn bi leh bruă jao, rơ̆ng mgang kjăp klei êđăp ênang, đru hrăm mbĭt hŏng bruă mđĭ kyar klei duh mkra, dhar kreh, lehanăn klei ala čar bi mguôp hŏng tač êngao. Ti anăp boh klei msĕsi ară anei, snăn čiăng snăk kơ grăp čô knuă druh kahan ksiêm lŏ mjuăt bi hriăm pô kjăp hĭn, hlue knhuah mngač khua gĭt gai Hồ Chí Minh, jih ai tiê mă bruă kyua lăn čar lehanăn mnuih ƀuôn sang./.