Hluê si phung bi ala, hlăm wưng bruă tuh ti 4.0 leh anăn mlih mrô, čiăng mkŏ mjing klei čih pioh mrâo mrâo čiăng bi djăp ênŭm hnơ̆ng čuăn hrui mă, čih pioh leh anăn mgaih msir klei čih pioh. Leh klei čih pioh dưi hluê ngă hlăm mbah mkŏ mjing klei găl kơ bruă kah mbah, bi mklin klei čih pioh hlăm kluôm ala, mbĭt anăn mđĭ hnơ̆ng, boh tŭ dưn dŭm mta bruă knŭk kna. Klei čih pioh mrâo mrang srăng đru mtrŭt mđĭ ai dưi bi mklin leh anăn kah mbha klei čih pioh, bi hrŏ klei êbeh hlăm klei čih pioh. Ƀiădah klei dleh dlan ară anei jing bruă mkŏ dŭm kdrăp thơ̆ng kơ bruă, klei čih pioh mơ̆ng dŭm phŭn, dhar bruă ăt dôk mâo lu klei dleh dlan.

Hluê si phung bi ala, čiăng mgaih msir bruă mkŏ klei čih pioh, dŭm phŭn, dhar bruă čiăng mâo sa hdră hlăm bruă hrui mă, kriê dlăng, kah mbha leh anăn mă yua klei čih pioh. Mbĭt anăn knŭk kna čiăng hnưm mkŏ mjing leh anăn ba yua anôk bruă klei čih pioh ala čar čiăng mgaih msir dŭm klei kpăk hlăm bruă mkŏ leh anăn kah mbah klei čih pioh.