Klei kƀĭn mñă klă, Êpul kahan ksiêm bi êdah nanao ai tiê “Kyua mnuih ƀuôn sang ”, mâo leh lu klei đru mguôp hlăm bruă mgaih msir boh jhat mơ̆ng adiê hjan êa lêč, đru kơ mnuih ƀuôn sang hŏng hdră “đru dŏng anak mnuih jing mta kñăm prŏng hĭn mơ̆ng êpul kahan ksiêm”.

Angĭn êbŭ mrô 3 ngă truh lu klei hmăi kjham kơ anak mnuih, ngăn drăp leh anăn mnuih ƀuôn sang dŭm čar Kwar Dưr, boh nik jing dŭm alŭ wăl msĕ si Lào Cai, Yên Bái, Cao Bằng, Hà Giang... hŏng êbeh 348 čô djiê, luč ka thâo ƀuh, giăm 2 êbâo čô êka, êbeh 230 êbâo sang jhat rai, hmăi hlăm brô 23 êklai prăk. Bi lar ai tiê thâo khăp thâo pap, kahan ksiêm dŭm anôk bruă, alŭ wăl čŏng pô hlăm klei tui duah, đru dŏng, nao hgŭm đru kơ mnuih ƀuôn sang mgaih msir boh jhat mơ̆ng angĭn êbŭ mrô 3 leh anăn klei êa lip lêč leh găn angĭn êbŭ, rơ̆ng bi hơĭt klei hdĭp mnuih ƀuôn sang, bi hơĭt boh sĭt.