Hlue anăn, Phŭn bruă kđi čar bi mklă ba nao, ruah mdưm Nguyễn Hoàng Anh, Khua hlăm bruă Đảng gưl dlông, Khua Anôk dlăng bruă Đảng hđăp leh anăn Nguyễn Thúy Anh, Khua hlăm bruă Đảng gưl dlông, Khua  hđăp Knơ̆ng bruă ala ƀuôn mơ̆ng Bruă kƀĭn ala ngă K’iăng Khua Dhar bruă hdră êlan phŭn gưl dlông. Anôk dlăng bruă Đảng bi mklă ba nao, Nguyễn Thế Mạnh, Khua Knơ̆ng bruă hră ênua ala ƀuôn Việt Nam ngă K’iăng Khua Anôk bruă hdră êlan phŭn Gưl dlông.

Bi ala kơ Phŭn bruă kđi čar, Anôk dlăng bruă Đảng, jao hdră mtrŭn leh anăn mđup brei mnga kơ phung K’iăng khua mrâo Anôk bruă, Khua Anôk bruă Hdră êlan phŭn gưl dlông Trần Lưu Quang lač klă klei bi leh bruă kơ phung khua gĭt gai Anôk bruă bi êdah klei mđing uêñ mơ̆ng Phŭn bruă kđi čar, Anôk dlăng bruă Đảng, boh nik mơ̆ng Khua gĭt gai Đảng, bi knar hŏng bruă klam ktrŏ snăk jao kơ Anôk bruă hlăm wưng mrâo, mŭt hlăm ênuk mrâo mơ̆ng djuê ana.