Klei bi kƀĭn mkŏ mjing tlam mbrue 3/3 ti Anôk bruă phŭn bruă ngăn prăk, mâo k’iăng khua knŭk kna Hồ Đức Phớc lehanăn k’iăng khua knŭk kna Nguyễn Chí Dũng. Ti anôk bi kƀĭn, Khua anôk bruă mkŏ mjing êpul knuă druh mơ̆ng phŭn bruă ngăn prăk, mâo dlăng leh hdră mtrŭn mơ̆ng knŭk kna kơ bruă čuăn mơ̆ng phŭn bruă ngăn prăk leh mâo klei bi mŭt mbĭt, bi êdah dŭm mta mtrŭn mơ̆ng khua knŭk kna ruah mdưm 5 k’iăng khua phŭn bruă mrâo mơ̆ng phŭn bruă ngăn prăk.

K’iăng khua knŭk kna Hồ Đức Phớc lehanăn Nguyễn Chí Dũng jao leh klei bi mklă kơ phung k’aĭng khua phŭn bruă ngăn prăk. Ti anôk bi kƀĭn ăt bi êdah bruă mkŏ mjing êpul bruă Đảng phŭn bruă ngăn prăk. Bi mklă bruă ruah mdưm êpul khua kiă kriê bruă Đảng, khua bruă Đảng lehanăn k’iăng khua bruă Đảng phŭn bruă ngăn prăk wưng thŭn 2020 – 2025, leh kơ anăn bi êdah klei bi mklă ruah mdưm khua kiă kriê mơ̆ng dŭm êpul bruă dôk hlăm phŭn bruă, lehanăn jao klei bi mklă kơ phung khua kiă kriê anăn nao ngă bruă mrâo./.