Phŭn bruă Sang hră m’ar mtô bi hriăm mprăp kơ thŭn hriăm mrâo lehanăn nao čuă, mđup brei mnơ̆ng kơ phung hđeh krĭng taih kbưi Dak Nông
Thứ năm, 09:44, 31/08/2023
VOV Tây Nguyên
VOV Tây Nguyên
VOV4.Êđê- Hruê mbruê (30/8), Êpul ngă bruă mơ̆ng Phŭn bruă Sang hră m’ar mtô bi hriăm mâo Khua phŭn bruă Nguyễn Kim Sơn djă akŏ nao ksiêm dlăng leh hdră mprăp kơ thŭn hriăm mrâo lehanăn nao čuă, mđup brei mnơ̆ng kơ phung hđeh krĭng taih kbưi Dak Nông.
Khua phŭn bruă Sang hră m’ar mtô bi hriăm tĭng flăng, Anôk bruă mtô bi hriăm Dak Nông dưi mâo leh dŭm boh tŭ năng čih yap hlăm thŭn hriăm êgao, đru mguôp hlăm hdră mđĭ kyar bruă mtô bi hriăm krĭng Lăn dap kngư lehanăn kluôm ala.
Khua phŭn bruă Nguyễn Kim Sơn ăt hưn dŭm klei êdu kƀah mâo čar Dak Nông mđing msir mghaih. Ară anei, kluôm čar dôk kƀah 1.021 čô nai mtô dŭm gưl. Čiăng pŏk ngă tŭ dưn bruă klam thŭn hriăm mrâo 2023-2024, Khua phŭn bruă Nguyễn Kim Sơn mtă kơ čar Dak Nông mđing gĭt gai lehanăn hluê ngă jăk dŭm hdră msir, msĕ si: Mđing dlăng, duh bi liê lu hĭn kơ hdră mtô mjuăt krĭng taih kbưi, krĭng mnuih djuê ƀiă, rơ̆ng djăp ênŭm phung nai mtô, anôk bruă nah gŭ, mdrăp mnơ̆ng, mtrŭt mđĭ hdră đru kơ yang ƀuôn hlăm bruă mtô bi hriăm./.
Viết bình luận