Ti dŭm anôk bi tuôm hlăm dŭm să Dak Ru (kdriêk Dak R’lâp), să Dak R’tih (kdriêk Tuy Đức), să Dak Ha (kdriêk Dak Glong) lehanăn să Dak Drô (kdriêk Krông Knô), phung bi ala hưn mthâo leh dŭm boh phŭn mơ̆ng klei bi kƀĭn tal 6, bruă kƀĭn ala gưl XV; mđing hmư̆ klei blŭ mơ̆ng mnuih ƀuôn sang êlâo kơ klei bi kƀĭn. Mnuih ƀuôn sang djăp alŭ wăl ti Daknông mâo lu bruă adôk ka dưi ngă, lu jing êlan klông, klei ngă hră lăn.

Mnuih ƀuôn sang akâo kơ knŭk kna mđĭng hĭn kơ bruă mkra êlan klông hlăm krĭng ƀuôn sang, mghaih msir bruă mă kơ mnuih djuê ƀiă, ksiêm dlăng klei hrui prăk soh hlăm dŭm sang hră mơar... Lu mnuih ƀuôn sang čang hmăng mâo hdră êlan pral mkra êlan dơ̆ng prŏng Chơn Thành (Bình Phước) – Gia Nghĩa (Đắk Nông) đru mđĭ klei duh mkra ala ƀuôn./.