Tui si knơ̆ng bruă kahan ksiêm čar Dak Nông, hlăm dŭm thŭn êgao, hlăm čar mâo leh lu klei ênguôt kyua klei ba yua phao čŏng mkra mjing soh hŏng klei bhiăn, ngă truh klei djiê mnuih , đa kbiă hriê mơ̆ng klei amâo mâo thâo bi djŏ, mâo klei bi mmiă ngăn dŏ...

Ti anăp klei msĕ snăn, mbĭt hŏng bruă mtrŭt mjhar mnuih ƀuôn sang đru bi răng mgang klei êđăp ênang ƀuôn sang, kahan ksiêm čar Daknông lŏ mđĭ hĭn bruă hâo hưn mtă mtăn jih jang mnuih ƀuôn sang hlei pô mâo phao čŏng mkra mjing ba jao hĕ kơ knŭk kna, mơ̆ng anăn mâo ngă leh hŏng klei jăk. Mơ̆ng thŭn 2022 truh kơ ară anei, kluôm čar mtrŭt leh mnuih ƀuôn sang ba jao truh 300 ƀĕ phao ktuang čŏng mkra mjing, 4 ƀĕ phao lĭng kahan, sa ƀĕ phao mjuăt asei mlei, sa klŏ boh mtuh. Êngao anăn, êpul kahan ksiêm lŏ hrui mă 7 mta kdrăp mkra mjing phao ktuang,   200 gram put mtuh, êbeh 1.000 asăr boh phao kmrak./.